 |
| قرار التمكين |
كيفة وقف تنفيذ قرار التمكين وكيفية الغاءها
ازاى اقدر الغى قرار التمكين واخد شقتى تانى .. وهو اصلا ممكن قرار التمكين يتلغى .. ؟؟
•• كتير بيسأل السؤال ده اعمل ايه بعد ماصدر قرار تمكين لزوجتى أو طلقتى أو حصل بينا مشاكل وهى ممكن تعمل ده ... هل اعمل عقد بيع لحد من قرايبى أو صحابى وبعدين يرفع عليا دعوى تسليم ولا هل اخليه يعملى عقد ايجار وهو يرفع عليا دعوى طرد ولا اعمل ايه .. ؟؟
•• طبعا موضوع البيع إلى بعد الجواز والكلام ده بقى فيلم هندى قديم ومهروس وماحدش بياخد به اصلا يعنى ولا له أى ثلاثين لازمه ... أومال الحل ايه .. ؟ استبدال_مسكن_الحضانه .. يعنى ايه .. ؟؟
☆ بص ياسيدى وركز فى الكلام ده كويس .. القانون قال إن لو الزوج لم يهيىء لصغاره مسكن مناسب للحضانه يبقى من حقهم الاستمرار فى نفس المسكن إلى كانو عايشين فيه .. ؟بمعنى ايه .. ؟؟ بمعنى أن الأب لو وفر مسكن بديل من حقه انه يطلب إلغاء قرار التمكين واسترداد شقته تانى .. طيب ايه هى خطوات القضيه دى .. ؟؟ حنقولها وركز فيها جامد
١ - لو حضرتك لسه مطلق ولسه العده بتاعت الزوجه مانتهتش اعمل إنذار بتهيئة مسكن بديل ..
٢ - حاول تاخد إثبات تاريخ على عقد الإيجار بتاع المسكن البديل وكل لما يكون جمب المدارس بتاع الأولاد أو أقرب لمسكن الزوجيه يكون أفضل
٣ - اطلب معاينه المسكن عن طريق الخبراء لتحديد صلاحية المسكن
٤ - الدعوى دى ارفعها أمام محكمه الاسره وتطلب فيها إلغاء قرار التمكين وإلزامها بالانتقال إلى المسكن البديل أو أنها تطلب أجر مسكن
ملحوظه ( ١ ) .. طبعا حضرتك دلوقتى بتقول طيب ما انا طعنت على القرار أمام محكمه الأمور المستعجله وبيترفض
الاجابه .. ماهو احنا قولنا لحضرتك على السر يافندم ده بخلاف بعض الأمور الفنيه التى يتميز بها مكتبنا فى تلك الدعوى
#ملحوظه ( ٢ ) .. حتى لو طعنت على القرار أمام محكمه الأمور المستعجله واترفض من حقك ترفع الدعوى تانى مافيش مشكله بس توفر مسكن بديل
0 التعليقات
إرسال تعليق